HPV疫苗：解答你的疑問
問1：幾時係接種人類乳頭瘤病毒 （HPV ）疫苗嘅黃金時間？
答1：HPV 疫苗屬於預防性疫苗，對未曾感染過 HPV 病毒嘅女性最為有效，所以建議未有性經驗既女性盡早接種疫苗。
問2：如果我個女已經就讀中學，接種仲有用嗎？
答2：有用。世界衞生組織及本港疫苗可預防疾病科學委員會均建議將HPV疫苗的目標組群擴展至18歲或以下較年長女童。
問3：我現在已經三十幾歲，仲適唔適合接種HPV疫苗？
答3：可以同醫生傾吓；按個人情況而定。無論有沒有接種HPV疫苗，定期進行子宮頸癌篩查（例如HPV檢測）仍然是預防子宮頸癌的重要關鍵。
問4：打咗 HPV 針，仲需要做子宮頸癌篩查嗎？
答4：需要。即使已接種 HPV 疫苗，仍須定期接受子宮頸癌篩查，因為疫苗並非涵蓋所有 HPV 基因型，亦無法清除已存在嘅感染。
問5：香港建議幾多歲開始做子宮頸癌篩查？
答5：25至64 歲曾經有性行為嘅女性，不論婚姻狀況，都應該定期接受子宮頸癌篩查，以達致「早預防、早發現、早治療」，減低子宮頸癌風險。
問6：「疫苗 + 篩查」嘅好處係？
答6：HPV 疫苗可以預防大部分由高風險類型HPV 引致嘅子宮頸癌，而定期子宮頸癌篩查可以盡早發現病變並治療，兩者配合可有效預防子宮頸癌。
問7：我已經有性經驗，仲適合接種 HPV 疫苗嗎？
答7：適合。曾有性經驗嘅女性仍然適合接種 HPV 疫苗。然而疫苗功效對從未感染HPV嘅女性最為顯著，所以應及早接種疫苗。如有疑問，可徵詢你的家庭醫生。
問8：HPV 疫苗安全嗎？
答8：HPV 疫苗安全有效，常見副作用與其他疫苗相似，例如打針位置紅腫、疼痛、輕度發熱等。
問9：點解要「問吓醫生」先決定打唔打？
答9：醫護人員提供 HPV 疫苗時，會綜合考慮個人年齡、性行為史、免疫狀況及過往接種紀錄，在了解你嘅整體健康狀況後，會建議合適嘅疫苗劑量同接種時間表，並安排後續子宮頸癌篩查。你可以向樂妍站嘅醫生或家庭醫生了解詳情。
